Den [pedagogiske verdikjeda](Den pedagogiske verdikjeda handlar om korleis ein byggjer kompetanse, kapasitet og meistringstru på dei ulike nivåa i organisasjonen, frå skuleeigar og heilt ut til eleven.) er ein metafor for relasjonen mellom dei ulike nivåa i skuleorganisasjonen og handlar om korleis ein byggjer kompetanse, kapasitet og meistringstru på dei ulike nivåa – og i denne samanhengen i arbeid med utviklinga av digital kompetanse. [Modellering](Modellering er i denne samanhengen å gi døme på føretrekt digital praksis saman med lærarane.) av god praksis står sentralt i dette arbeidet. Det er den samla innsatsen i denne kjeda som skaper utvikling og resultat i arbeidet med digital kompetanse.

Fire sirkler med toveis piler mellom alle fire. I hver sirkel fra venstre til høyre står følgende tekst: skoleeiers styring og ledelse, skolens ledelse, lærerens praksis, elevens læring og læringsutbytte.

[udir-task]

Reflekter

Gjensidig tillit mellom skuleeigarar, skuleleiarar og tilsette er eit berande element i «den pedagogiske verdikjeda». Reflekter saman i grupper med kollegaer av skuleeigarar og/eller skuleleiarar over spørsmåla under:

Kva er ledda i verdikjeda hos oss, frå skuleeigaren og til kvar enkelt lærar og elev i klasserommet?

Korleis skaper vi meistringstru og tillit i og mellom kvart ledd på skulen vår og i kommunen / i fylkeskommunen / blant skular med same eigar når vi jobbar med å utvikle digital kompetanse?

Kva skal vere dei synlege teikna på forbetra digital kompetanse? Svar gjerne med utgangspunkt i kvart nivå i kjeda.

[uob-reveal]

Kjelder brukt på siden og vidare lesing

Paulsen, J. M. (2019). Strategisk skoleledelse. Fagbokforlaget.
Læring i den pedagogiske verdikjeden (nedlastbar wordfil)